Science News SriLankan ගුවන් සේවය හඳුන්වා දුන් කෘත්රිම බුද්ධි චැට්බොට් පද්ධතිය – යානා SathyaFebruary 7, 20250103 views ශ්රී ලංකාවේ ජාතික ගුවන් සේවය වන SriLankan Airlines සිය වෙබ් අඩවිය හරහා සිදු කෙරෙන පරිශීලක අන්තර්ක්රියා සඳහා සහාය වන කෘත්රිම බුද්ධි චැට්බොට් පද්ධතියක් හඳුන්වා දී තිබෙනවා. එය නම් කර ඇත්තේ ‘Yaana’ (යානා) ලෙසයි. CodeGen International තාක්ෂණ සැපයුම් සමාගමක් හා සුසංයෝගයෙන් සංවර්ධනය කර ඇති ‘යානා’ සංකීර්ණ තලයේ කෘත්රිම බුද්ධියකින් මෙන් ම ස්වභාවික භාෂා සැකසුමකින් (Natural Language Processing – NLP) ද සමන්විතයි. SriLankan Airlinesහි තොරතුරු තාක්ෂණ ප්රධානී චාමර පෙරේරා සඳහන් කරන පරිදි ‘යානා’ තනා ඇත්තේ GPT-4 බහුආකෘති විසල් භාෂා මොඩලය (multimodal large language model) මත පිහිටායි. එය SriLankan Airlines නිල බෙබ් අඩවියේ අථථ්ය සහායිකාවක් ලෙස පෙනී සිටිමින් පරිශීලකයන් හා පාඨමය සංවාදයක් පවත්වාගනිමින් අවශ්ය සේවා සලසා ගැනීම සඳහා සහාය වනවා. මේ වන විට වෙබ් අඩවිය වෙත ලැබුණු විමසීම් 12,000ක් පමණ සාර්ථක ව මෙහෙයවීමට ‘යානා’ සමත් වී තිබෙනවා.